लपवू शके सूर्यास न कोणी

   सूर्याला आणि त्याच्या प्रकाशाला कितीही झाकण्याचा प्रयत्न केला तरीही तुम्ही त्याला झाकू शकत नाही. फार फार तर तुम्ही तुमचे डोळे बंद केल्यास अथवा डोळ्यासमोर हात धरल्यास तो काही काळापुरता तुमच्यासाठी झाकला जाईल.

   परंतु , जास्त काळ तुम्ही त्याचा तिरस्कार करून त्याचे महत्त्व कमी करू शकत नाही. उलट अशा कृतीमुळे तुम्ही तुमचेच नुकसान करून बसता.

   सूर्य मात्र स्वतः प्रकाशित राहून इतरांना प्रकाशमय करण्याचे त्याचे कार्य आजतागायत करत आलाय आणि इथून पुढेदेखील करत राहील. अगदी त्याच्या अंतापर्यंत.

आणि सूर्याच्या याच गुणाचा आदर्श घेऊन अखेरच्या श्वासापर्यंत जगणे मला पसंत आहे.

✒  K.Satish